Мәнерлеп сырғанаудан Әлем чемпионатында Қазақстанның намысын екі спортшы қорғайды

Халықаралық конькишілер одағы (ISU) мәнерлеп сырғанаудан өтетін алдағы әлем чемпионатының бастапқы тізімдерін жариялады.

Биылғы әлем чемпионаты 25-30 наурыз аралығында АҚШ-тың Бостон қаласында өтеді.

ISU мәліметіне сәйкес, бұл беделді додада еліміздің намысын екі спортшы қорғайды. Жекелей сырғанауда Михаил Шайдоров пен Софья Самоделкина жүлдеге таласады.

Шайдоров Бостонда 2025 жылғы Азия ойындарының қола жүлдегері және төрт құрлық чемпионатының жеңімпазы мәртебесінде өнер көрсетеді.