Әлихан Әскербай үш әлем рекордын жаңартып, ауыр атлетикадан жасөспірімдер арасындағы Азия чемпионатында топ жарды.
Бұл туралы Olympic.kz хабарлайды.
Қазақстандық ауыр атлет Әлихан Әскербай Астанада өтіп жатқан жасөспірімдер мен жастар арасындағы Азия чемпионатында алтын медаль жеңіп алды.
Сонымен қатар спортшы үш Азия рекордын және үш әлем рекордын жаңартты.
Қоссайыстың қорытындысы бойынша қазақстандық зілтемірші 310 (141+169) келіні еңсерді. Жасөспірімдер арасындағы жарыста ол бірінші орынға ие болды.
Сондай-ақ, Әлихан Әскербай жастар арасындағы Азия чемпионатында да жүлдегер атанып, қола медальді еншіледі.
Айта кетейік, бұған дейін ел қоржынына екі медальді Ксения Прозорова салған болатын. Ол U17 санатында бірінші орынға ие болып, 20 жасқа дейінгі атлеттер арасында күміс жүлдегер атанды.
Тегтер #ауыр атлетика #Азия чемпионатыPhone: +7 (7172) 757 485
E-Mail: 24kz@khabar.kz