Қазақстан Азиадада жалпы есепте 8-орында келеді

Мейіржан Шермағанбет пен Шамиль Олжаев грек-рим күресінен Азия ойындарының жартылай финалына өтті.

67 келідегі Мейіржан алғашқы айналымда Иран өкілін ұтса, артынша ширек финалда оңтүістік кореялық спортшыны қапы қалдырды. Ал 87 келідегі Шамиль Олжаев та дәл солай ирандық және оңтүістік кореялық палуандардан басым түсті. Өкіншке орай, әйелдерден Жәмила Бақбергенова алғашқы айналымда жапон палуанын ұтылып қалды. Дәл қазір Қазақстан құрамасы жалпы есепте кешегімен салыстырғанда тағы 3 саты төмендеп, 8-орынға жайғасты. Үздік үштікте Қытай, Жапония, Оңтүстік Корея спортшылары тұр. Өзбекстан 4, Таиланд 5-орында.

 

1.            Қытай                 143(алтын)     63(күміс)    49(қола)   барлығы (255)

2.            Жапония             45                    71                67                              183

3.            Оңтүстік Корея  24                    27                45                               96

4.            Өзбекстан           14                    17                13                              44

5.            Таиланд               12                     9                  12                              33

6.            Бахрейн               11                     5                   4                               20

7.            Иран                     10                    16                11                               37

8.            Қазақстан            9                      14                 25                              48 

Бокстан финалдық жолдамалар сарапқа салынады

Бүгін бокстан Азия ойындары аясында жартылай финалдық кездесулер өтеді. Ел атынан 4 отандасымыз ақтық кезең жолдамаларын сарапқа салады. Алдымен шаршы алаңға 51 келіде әйелдерден Алуа Балқыбекова көтеріледі. Ол вьетнамдық боксшымен өзара мықтыны анықтайды. Артынша 75 келідегі Наталья Богданова Үндістан өкілімен жұдырықтасса, ерлерден 55 келіде Махмұд Сабырхан Филиппин өкілімен айқасады. Сондай-ақ 70 келіде Төрехан Сабырхан өзбекстандық Шавкатжон Болтаевпен жекпе-жекке шығады. Айта кетейік, әзірге ұлттық құрама сапынан Айбек Оралбай ғана финалға жолдама алды.

Қазақстан Словакияға есе жіберді

Футболдан Қазақстан құрамасы сырт алаңда ұтылып қалды. Ұлттар лигасы аясындағы матчта Словакиямен кездесіп, 2:1 есебімен жол берді. Ойынның  бірінші таймы толықтай алаң иелерінің басымдығымен өтті. Қарсыластар толассыз шабуылдап, 26-минутта есеп ашты. Гол авторы Лео Зауэр. Араға 9 минут салып, ұлттық құрама сапынан Рамазан Кәрімов таразы басын теңістіріп кетті. Ал 2-таймда Қазақстанның шабуылына қан жүгірді. Шкип шәкірттері допқа көбірек иелік етіп, қауіпті комбинациялар ұйымдастырды. Алайда ойынға нүкте қоятын футболшы табылмады. Көп ұзамай кездесудің 82-минутында словактар сапынан Давид Ганцко бұрыштамадан көтерілген допты голға айналдырды. Осылайша Қазақстан сырт алаңда өткен 2 ойында тек 1 ұпай иеленді. Бұған дейін Фарер аралдарымен тең ойнаған болатын.

Тегтер #Азиада 2026 #жалпы есеп #24KZ #Таңдаулы