426,32 497,47 5.54
+7 (7172) 757 485 24kz@khabar.kz
ҚАЗ

Ресей ЕХРО-2017 көрмесіне келушілер назарын Арктикаға аудармақ

  • 764

ЕХРО-2017 көрмесінде Ресей Арктика аймағына назар аударуды жоспарлап отыр.

Себебі бұл аймақты ресейлік ғалымдар болашақ энергияның көзі ретінде қарастырады. Осыған орай елдің ЕХРО көрмесіндегі павильонының төрінде алып мұзтау орнатылмақ. Бұл туралы Мәскеуде өткен баспасөз мәслихатында мәлім болды. Ресейдің ірі компаниялары Астанадағы көрмеде атомдық энергетика мен жаңғыртылатын энергия көздері салаларындағы жаңалықтарды көрсетуге дайын. Көрме аясында Ресей 100-ден астам форум мен конференция өткізеді. Ресейлік павильонды ұйымдастырушылар бұл көрмеге 200-ден астам компания мен ел аймақтары қатысады деген ойда. Олар жаңа бизнес байланыстарды нығайтумен қатар қазақстандық компаниялармен бірігіп баламалы энергетика саласында жаңа жобаларды бастауды көздеп отыр.

Георгий Каламанов, ресейлік қатысудың бас комиссары:

- Астанадағы көрме бизнес алаңға айналмақ. Мұнда жүздеген, мыңдаған келісімге қол қойылатыны сөзсіз. Миллиондаған келушіні күтудеміз. Жуырда Ресей ЕХРО-2025 көрмесін өткізуге өтінім бергенін ескерсек, біз үшін Астандағы шара өте маңызды болып тұр.

Игорь Шахрай, «Хевел» компания тобының бас директоры:

- Жақында Қазақстанға барып, көрмені қарап шықтым. Ашылуға дайын. Бәрі сақадай сай. Осындай халықаралық дәрежеде аумақты шара өткізу біздің елдеріміз үшін тиімді нәтиже бермек.

Хабар 24 телеарнасы