384,77 427,95 6.05
+7 (7172) 757 485 24kz@khabar.kz
ҚАЗ

Корея ЕХРО-2017 көрмесінде сутегімен жүретін автокөлігін таныстырады

  • 589

Корея ғалымдары ЕХРО көрмесінде сутегімен жүретін автокөлігін таныстырмақ.

Бірегей темір тұлпарды Hyundai корпорациясы құрастырған. Бүгін бұл туралы журналистерге Корея павильоны директорының орынбасары Ким Джонг Хун мәлімдеді. Өткен ғасырдың 50-жылдары қуат көзіне мұқтаж болған бұл мемлекет бүгінде энергия үнемдеу саласында ауыз толтырып айтарлықтай жетістікке жеткен. Сондықтан ең соңғы технологияларымен бөлісуге дайын. Талайдың талпынысын көтеретін ұлық шарада күн батареялары, «смарт сити», «ақылды инфрақұрылым» секілді жобаларды паш етпек. Бұдан бөлек кәрістер келушілерге қызықты мәдени бағдарлама да әзірлеп қойды.

Ким Джонг Хун, Корея павильоны директорының орынбасары:

- Павильонымыздың екінші қабатында алдағы жылы Чеджу аралындағы Пхёнчхан қаласында өтетін Олимпиада ойындарын виртуалды тамашалауға мүмкіндік жасадық. Мұнда белгілі әртістердің фотосуреттері мен бейнежазбаларын да көруге болады. Ал 18 шілдеде Қазақстанға танымал кореялық жұлдыздардың қатысуымен үлкен концерт өтеді. 

Хабар 24 телеарнасы