388,93 435,25 6.11
+7 (7172) 757 485 24kz@khabar.kz
ҚАЗ

БҚО-да «Жұмыспен қамту - 2020» бағдарламасы шеңберінде 15 әлеуметтік нысан жөнделеді

  • 1266
БҚО-да «Жұмыспен қамту - 2020» бағдарламасы шеңберінде 15 әлеуметтік нысан жөнделеді www.m-astana.kz

Биыл Батыс Қазақстан облысында «Жұмыспен қамтудың 2020» бағдарламасының жұмыспен қамтуды, инфрақұрылымды және тұрмыстық-коммуналдық шаруашылықты дамыту арқылы қарастыратын бірінші бағытын іске асыруға республикалық бюджеттен 1,4 млрд теңге бөлінді. Осы қаражат есебінен 15 инфрақұрылымдық нысанды іске асыру жоспарлануда, оның 13-іне күрделі жөндеу, біреуіне ағымдағы жөндеу жұмыстары жүргізіледі.

Жөнделетін ғимараттардың 10 – білім беру, 3 – мәдениет, 1 – денсаулық сақтау және 1 – транспорттық инфрақұрылым нысаны.

Инфрақұрылымдық жобалардың іске асырылуы 765 жұмыс орнын құруға мүмкіндік береді, оның ішінде 384 адам жұмыспен қамту орталықтары арқылы орналастырылады.

Бүгінгі таңда 14 жобаның іске асырылуы басталды, оның шеңберінде 731 адам жұмысқа тұрды, олардың ішіндегі 361 адам – «ЖҚЖК 2020» бағдарламасына қатысушылар.

2015 жылы «ЖҚЖК 2020» бағдарламасының бірінші бағытын іске асыруға 13,7 млрд теңге бөлінгенін, жалпы республика бойынша 588 инфрақұрылымдық жобалар жүзеге асырылып, 8,6 мың адам жұмысқа орналастырылғанын естеріңізге саламыз. 2016 жылы «ЖҚЖК 2020» бағдарламасының бірінші бағытын іске асыруға 80,1 млрд теңге бөлінді. Бұл қаражат жобалардың саны ескеріле отырып, жергілікті атқарушы органдардың тапсырыстары негізінде өңірлер арасында бөлінеді.

Хабар 24 телеарнасы