386,71 427,30 5.98
+7 (7172) 757 485 24kz@khabar.kz
ҚАЗ

Астанада жеке меншік балабақшаларға топтау жүргізіледі

  • 1083
Астанада жеке меншік балабақшаларға топтау жүргізіледі Фото: astana.gov.kz

Кезекке тіркелген 3-тен 6 жасқа дейінгі балаларды Астананың қолданысқа енген жеке меншік балабақшаларға топтау жарияланады.

Бұл туралы Астана әкімдігінің баспасөз қызметі хабарлайды. Жолдамалар мемлекеттік білім беру тапсырысы бар жаңа және қолданыстағы жеке меншік балабақшаларға беріледі.

Жинақтау жұмыстары 28 қыркүйектен 12 қазанға дейін жүргізіледі. Жолдама үшін Қарталы көшесінде орналасқан №61 орта мектепке сағат 10:00-ден 18:00-ге дейін жүгіну қажет.

Астана тұрғындарында ағымдағы кезек нөмірі болуы тиіс (оны ЖСН, баланың ТАӘ және туған күні бойынша http://egov.kz/ порталы арқылы білуге болады). Жеке меншік балабақшаға жолдама алғанда мемлекеттік балабақшаға кезек сақталады.

Жеке меншік балабақшада ата-аналардың төлемақысы 20800 теңгені құрайды. Сондай-ақ жеке меншік балабақшаны тұрғылықты мекенжайға сәйкес мемлекеттік тапсырыс бойынша жекеменшік балабақшалардың тізімінен таңдап, оған жолдама алуға мүмкіндік бар.

Хабар 24 телеарнасы