386,34 428,03 5.89
+7 (7172) 757 485 24kz@khabar.kz
ҚАЗ

Испан жігіті бір тәуліктен астам уақыт бойы рэп айтты (бейне)

  • 858

Испан рэп орындаушысы Аркано 24 сағаттан астам уақыт бойы рэп айтып, Гиннестің рекордтар кітабына енгізілді, деп хабарлайды espanarusa.com.

Дәлірек айтсақ,  24 сағат 34 минуттен 27 секунд кеткенге дейін тоқтаусыз сайраған Гильермо Родригес Годинес (Арканоның шын аты) осыған дейін Лос-Анджелесте Mурс атты рэпер жасаған әлемдік рекордты жаңартты. Американдықтан айырмашылығы Аркано өзі шығарған өлеңді оқып, Мурс секілді әрбір 5 минут сайын үзіліс жасап, тоқтаған жоқ. 

Рэп орындаушыны қолдау үшін Мадридтің Пуэрта-дель-Соль алаңына жиналған дүйім жұрт оның твиттеріне #RETOARKANO24H деген хэштегпен хабарлама жолдап, барынша демеу көрсетті.

Дайындаған: Г.Абилова

Хабар 24 телеарнасы