423.81 509.00 5.60
+7 (7172) 757 485 24kz@khabar.kz
ҚАЗ

Р.Рымбаева ІІ дәрежелі Достық орденімен марапатталды

  • 959

Қазақстанның халық әртісі Роза Рымбаева 2-ші дәрежелі Достық орденімен марапатталды.

Бұған дейін де бірқатар марапатқа ие болған Роза Қуанышқызына мұндай сый-құрметті Мәдениет және спорт министрі табыстады. 40 жыл сахнада ән шырқап, талантымен талайды тамсандырған танымал тұлға, халқымызды Тәуелсіздіктің 25 жылдығымен құттықтады.

Роза Рымбаева, ҚР Халық әртісі:

- Ерекше сезім. Себебі, 25 жылдық тәуелсіздікті тойлау алдында мынау сахнада тұрып, өзімнің әріптестерімнің алдында министрдің қолынан осындай орден алдым. Жалпы 40 жыл бойы тек қазақ сахнасында ғана емес, кез-келген сахнада халықаралық деңгейде достықты, Отанды, бірлікті, үлкен сезімді шырқап келе жатырмын. Ондай әндер менің репертуарымда бірінші қатарда тұрады.

Хабар 24 телеарнасы