Қазақстан фермерлері жеңілдетілген лизингпен 11 мыңнан астам техника алды
Қазақстанда ауыл шаруашылығы техникасын жаңарту қарқыны артып, фермерлерге көрсетіліп жатқан қолдау көлемі ұлғайды. Биыл «Қазагроқаржы» АҚ бұл бағытқа 380 миллиард теңге қаржыландыру бөліп, нәтижесінде 5,5 мыңнан астам шаруашылық 11 мыңнан астам техника сатып алуға қол жеткізді. Бұл туралы «Қазагроқаржы» АҚ басқарушы директоры Мейрамбек Исабеков «24KZ» арнасына берген сұхбатында мәлімдеді.
Жалпы айта кетсек, биылғы кезеңде «Қазагроқаржы» да ауыл шаруашылық техникасын жаңартуға белсенді үлес қосуда. Екі мың жиырма алтыншы жылдың бірінші тоқсанына үш жүз сексен миллиард теңге қаржыландыру бөлінді. Айта кетсек, оның ішінде он бір мың жеті жүз бірлік ауыл шаруашылық техникасы. Яғни, бұл қолдауды біздің компаниядан бес мың бес жүз ауыл шаруашылық қожалықтары пайдалана алды. Осы көрсеткішті ескере отырып, яғни бұл дегеніміз, ауыл шаруашылық техникасын жаңартуға, оның ішінде осы лизинг қаржыландыру құралдары өсіп келе жатқанын байқауға болады.
Жеңілдетілген лизинг арқылы техника алу үшін әрбір шаруашылық белгілі бір талаптар мен шарттардан өтуі тиіс. Компания өкілінің айтуынша, фермерлердің өтінішін қарау кезінде ең алдымен олардың қаржылық жағдайы мен төлеу қабілеттілігі басты назарға алынады.
Техникаға байланысты және де сол лизингтік қаржыландыру бағдарламасының қайсысына жататынына байланысты. Әлбетте, барлық шарттарға, ең басты, біздің мысалы, ауыл шаруашылық қожалықтары бізге жүгінгенде бірінші қарайтынымыз - ол қаржылық жағдайы, одан кейін төлеу қабілеттілігі және де осы лизингтік қаржыландырудың бүкіл талаптарына сай соны атқара алу - ең басты мақсаттар. Бірақ әрнеге өзі бөлек-бөлек шарттары бар.
Ел бойынша машина-трактор паркін жаңарту көрсеткіші тұрақты түрде өсіп келеді. Өткен жылғы деректерге сәйкес, бұл бағыттағы жалпы үлес айтарлықтай деңгейді құраған.
Екі мың жиырма бесінші жылды алатын болсақ, Қазақстанда машина-трактор паркін жаңарту алты бүтін оннан сегіз пайызды құрады. Ал оның ішінде, дәлірек айтсақ, біздің компаниямыздың үлесі үш бүтін оннан екі пайызды құрады.