Мектепке дайындық: бір балаға қанша теңге қажет?
Жаз мезгілінің соңғы күндері ата-аналардың сары уайымға салынатын сәттері десек болар. Өйткені тура екі аптадан соң жаңа оқу жылы басталады. Ата-аналар тұлымдысы мен бұрымдысының мектепке керек-жарағын алып, қыркүйекке қамдануы қажет. Ал дәл осы күндері сауда орындары мен базарлардағы бағаның күннен-күнге құбылатыны тағы бар.
Сабаққа керек-жарақтың бәрі әдеттегідей тағы қымбаттады. OLX сайтының сан айғағына сүйенсек, 12% шарықтаған.