Астана. Жеңіс туын желбіреткендер
Ұлы Отан соғысының аяқталғанына биыл 70 жыл. Қанды майдан 60 млн адамның өмірін қиды.
Талайды боздатты, жетім-жесір етті. Бірақ олар табандылық танытып жеңіске жетті. Ең өкініштісі сол күннің куәсі болғандар қатары жыл санап азайып келеді. 90 жылдары Астана бойынша соғыс ардагерлерінің саны 5 мыңнан астам болса, бүгінде олар 200-ден сәл-ақ асады. Аздың қатарын толықтырып жүрген ардагерлердің бірі Темірғали Әділбеков. Ол соғыс басталғанда небәрі 18 жаста ғана болатын.