Талдау. Ұялы байланыс

Бүгінде тілдесу жеңілдей түсті. Бұрынғыдай бір орынға бекітілген сымды телефонды әрі-бері сүйретіп жүрмейміз. Қазір ұялы байланысымыз бар. Кейбірімізде қалта телефонының бір емес, бірнешеуі жүреді. Естеріңізде болса, осыдан 2 жылдай бұрын ұялы байланыс жүйесінде тексеріс жүрді. Нөмірлерді тіркеу басталды. Нәтижесінде, 18 млн халқы бар Қазақстанда 31 млн SIM-карта анықталған. Олардың 1/3-і интернетке қосылған екен.