Отбасылық бюджет. Автокөлікті жөндеудің үнемді әдістері қандай?

Автокөлік күтімі отбасылық бюджеттегі ұсақ-түйек шығындар қатарынан табылмасы анық. Жанар-жағармайдан бөлек, көлікті сақтандырып, техникалық тексеруден өткізіп, көлік салығын төлейтініңіз тағы бар. Темір тұлпарыңызды ерсілі-қарсылы айдасаңыз, ерте ме, кеш пе, оны жөндетуге апарасыз. Кейде оны өз қолыңызбен, мысалы, шамы істен шықса, оны өзіңіз ауыстыра салуыңыз мүмкін. Бірақ мамандардың көмегінсіз жөндей жүріп, сапаның қамын естен шығармағаныңыз абзал. Немқұрайлы жасаған жұмыстың нәтижесі жақсылыққа апармасы хақ.