Отбасылық бюджет. Баспана алу үшін қаражатты қалай жинау керек?

Тұрақты баспананың жоқтығы - бүгінде көптеген қазақстандықты алаңдатып отырған мәселе. Өз үйіңіз немесе пәтеріңізге қол жеткізуге бірнеше миллион теңгені жинау үшін шығындарды барынша азайтып, табысыңыздың бір бөлігін жинай жүруді үйрену шарт. Отбасылық бюджеттің үнемді жұмсалуын бірнеше жылға жоспарлауға тура келеді. Себебі тіпті орташа кіріске ие отбасылардың да қажетті соманы бір жыл ішінде жинауға қауқары жете қоймайды. Бірақ «өз үйіңіз - өлең төсегіңіз»! Жылдар бойы жинасаңыз да, ұтылмайсыз.