Отандық медицина. Қазақстанда жұлын хирургиясы жаңа деңгейге көтерілді

Заманға сай технологиялар мен инновациялық әдістерді енгізудің арқасында бұған дейін операция жасауға келмейтін бірқатар патологиялық жағдайлармен күресуге мүмкіндік туды. Жақында Ұлттық нейрохирургия орталығында алғаш рет ерекше операция жасалды. Дәрігерлер мойын-кеуде бөлігіндегі омыртқаның интрамедуллярлы ісігі диагнозы қойылған 25 жастағы әйелді хирургиялық жолмен емдеді. Науқас жүктіліктің 7-ші айында болған.