Қаржы. Лицензиясынан айырылған банктердің қызметін реттеу

Елімізде заңға сәйкес, банк лицензиясынан айырылған соң Ұлттық банк мекемеге уақытша басшылық тағайындайды. Оған банктің барлық басқару органының өкілеттіктері өтеді. Ал, уақытша әкімшілік сот тарату комиссиясын тағайындағанға дейін жұмыс істемек. Қазақстанда қос қаржы ұйымының нарықтан кетуі салымшыларды алаңдатып отыр. Лицензиясынан айырылған екінші деңгейлі банктердің салымшыларына Қазақстанның депозиттерге кепілдік беру қоры сот шешімінен кейін өтемақы төлейді. Qazaq Banki-нің салымшылары - 19,6 млрд, «Эксимбанк Қазақстан» салымшылары - 249 млн теңге көлемінде ақша алмақ.