Шетелдік БАҚ: шолу және талдау. Ұлыбритания медицинасы үлкен дауға ұрынды

Ұлыбритания медицинасы үлкен дауға ұрынды, деп хабарлайды BBC. Қан құйғызған мыңдаған британдықтың ВИЧ пен гепатит жұқтыруына байланысты тергеу амалдары басталды. Өткен ғасырдың 70-80 жылдары жапа шеккен науқастар куә ретінде түсінік беріп жатыр. Бұл тергеу гемофилия мен өзге де қан ауруларына шалдыққан бес мыңдай адамның медициналық процедуралардан кейін қалайша дертті болғанын анықтап бермек. Бүгінге дейін олардың үш мыңға жуығы дүние салыпты.