Дональд Трамп пен Жан-Клод Юнкер сауда соғысына жол бермеу туралы келісімге келді, деп жазады «Ивнинг Стэндарт» басылымында Шон Мориссон. Осылайша күтпеген жерден Вашингтон мен Брюссель бітімге келді. АҚШ президенті мен Еурокомиссия басшысы өнеркәсіптік тауарларға кесірін тигізер түрлі кедергілерді алып тастауға уағдаласты. Яғни америкалықтардың болат пен алюминийге салар баж салығы мен Еуропаның бұған жауап ретіндегі қарымта шаралары күшін жояды.