А.Есімов Малайзия ұлттық секциясының комиссарымен кездесті

Бүгін ЭКСПО ұйымдастырушылар кеңсесінде «Астана ЭКСПО-2017» ұлттық компаниясының Басқарма Төрағасы Ахметжан Есімов Малайзия ұлттық секциясының комиссары Доктор Зайни Бин Уджангамен кездесті. 

Кездесу барысында ЭКСПО-2017 көрмесіне дайындық барысын, техникалық мәселелер талқыланды. Ұлттық компания басшысы, бүгінгі таңда, халықаралық, тақырыптық павильондарының құрылысы аяқталып, көрме қатысушыларына павильондарды табыстау әрі оларды мазмұндық толтыру процестерінің белсенді жүргізіліп жатқандығын айтты.

Өз кезегінде Доктор Зайни Бин Уджанг ұсынылған павильон және осындай деңгейдегі халықаралық шараға қатысу мүмкіндігі үшін алғысын білдірді.