«Мұғалім болғым келеді». Білімге құлшынысы жоғары Кәусар
«Тең мүмкіндік» бағдарламасының бүгінгі кейіпкері – Кәусар Маратқызы. Ол №207 мектеп-лицейдің 3-сынып оқушысы. Мектеп табалдырығын аттағаннан болашағына сенім пайда болған баланы көрген ата-ана да инклюзивті білімнің қаншалықты маңызды екенін түсінетіні айдан анық. Ерекше білім беру қажет ететін әр бала үшін мектеп маңызды. Олар қоғамда қарым-қатынас құруды үйренсе, сыныптастары мейірімді әрі инклюзивті қоғам орнатуға тәрбиеленеді. Балалар жан-жақты жетілуі үшін «ақыл, қайрат, жүрегіне» мән беруіміз қажет. Ал ұрпақ тәрбиелеу формуласы жеке адамға ғана емес, тұтастай мемлекетке, бүтіндей қоғамға арналып отыр.