Мектептегі қауіпсіздік: күзетшілердің жасына шектеу қойылды

Елдегі білім беру мекемелерінің 20%-ке жуығында бейнекамералар жедел басқару орталығына қосылмаған. Биыл антитеррорлық талаптарға қатысты жүргізілген тексеріс нәтижесінде 800-ден астам кемшілік анықталды. Тиісті органдар жаңа оқу жылына дейін олқылықтарды жоюы тиіс. Министрліктің мәліметінше, полиция білім беру мекемелерінің 82%-ін ғана қашықтан бақылай алады. Негізі контингенті 100 адамнан асатын мектептің барлығында дәл осы қауіпсіздік талаптары орындалуы қажет. Оқу-ағарту министрлігінің мәліметіне сәйкес білім беру мекемелерінің 98%-і турникетпен және 96%-і дабыл батырмасымен қамтылған.