384,77 427,95 6.05
+7 (7172) 757 485 24kz@khabar.kz
ҚАЗ


Медициналық туризм: сырттан келетіндерден сыртта емделетіндер көп

  • 1019
  • UPD: 14:51, 31.05.2019
Медициналық туризм: сырттан келетіндерден сыртта емделетіндер көп

Біздің елде ем алуға ниетті шетелдіктер жыл сайын көбеюде, деп хабарлайды «Хабар 24» тілшісі.

Дегенмен өзге елден жанына дауа іздеген отандастарымыздың саны одан ондаған есе көп екен.

Egemen Qazaqstan

Статистикаға көз жүгіртсек, былтыр Қазақстанға 2 мыңнан аса шетелдік емделуші келіп кеткен екен. Алайда өзге елдің дәрігерлеріне жүгінген отандастарымыздың саны 50 мыңға жуықтап, ішкі нарықта теріс сальдо байқалған. Мұның басты себебі неде? Елдегі медициналық туризмді өркендету үшін қайтпек керек? Бұл сауалдарға «Егемен Қазақстан» газетінде жарық көрген «Медициналық туризм: сырттан келетіндерден сыртта емделетіндер көп» тақырыбындағы мақаладан жауап таба аласыз.

Ғалымжан Сей­сенбек, денсаулық сақтауды дамыту республикалық орталығының ме­­ди­циналық туризмді дамыту бөлі­мінің басшысы:

- Қазақстан – медициналық ту­ризмді дамытуға қолайлы ел. Әлемдегі экономикалық үдеріс­терді ескерсек, біздегі басты артық­шылық – медициналық қыз­­меттердің қолжетімділігі. Адамдар қазір тиімді өмір сүруге тырысады, бұрынғыдай ақшаны оңды-солды шашпайды. Осы ретте еліміз шетелдік емделушілерге ыңғайлы болып келеді. Тағы бір айта кетерлігі, үкіметтің қолдауымен қазір көп­теген мекемелер соңғы үлгі­де­­­гі қондырғылармен жарақ­та­лып жатыр. Әсіресе отандық стоматологияға шеттен қызығу­шы­­лар көп. Мысалы, біздегі стома­тологиялық қызмет Еуропа ел­деріне қарағанда 10-15 есеге арзан. Мұндай деректі Қазақстан стоматологтар қауымдастығы ұсы­­нып отыр. Бұл қызмет түрін ше­тел­діктер кеңінен пайдаланып жүр. Сонымен қатар трансплан­толо­гия саласы да біртіндеп жол­­­­­ға қойылуда. АҚШ-та ағза мүше­лерін ауыстыру шамамен 100 мың долларға шықса, біздегі бұл қызмет түрі едәуір арзан. Отаның сапасы да еш кем емес.

Авторы: Нұрлан Жақыпбеков

Хабар 24 телеарнасы