365,48 417.85 5.52
+7 (7172) 757 485 24kz@khabar.kz
ҚАЗ

Елбасы православ христиандарын Пасха мерекесімен құттықтады

  • 335
  • UPD: 08:40, 08.04.2018
Елбасы православ христиандарын Пасха мерекесімен құттықтады

Мемлекет басшысы Нұрсұлтан Назарбаев православ христиандарын Пасха мерекесімен құттықтады. Бұл туралы Ақорданың баспасөз қызметі хабарлады.

«Қымбатты отандастар! Баршаңызды жарқын мереке – Пасхамен шын жүректен құттықтаймын!

Көктемнің осы күні әлемнің әр түкпіріндегі адамдардың жүрегі ерекше жылылыққа, қуаныш пен үміт сезіміне бөленеді. Пасха мейрамының символдары саналатын махаббаттың мәңгілік құндылықтары, қайырымдылық пен мейірімділік – еліміздің бүкіл тұрғыны үшін қымбат әрі қастерлі.

Барлық конфессия өкілдерінің өзара үйлесімді ықпалдастықта болып, бейбіт еңбек етуі – Қазақстанның басты байлығы. Біз мұны көздің қарашығындай сақтап, ары қарай дамыта беруіміз керек.

Жаңару мен жақсылыққа деген сенімді білдіретін бұл мерейлі мереке қоғамымыздың барлық саласында жүріп жатқан жаңғырумен үндеседі. Жоғары адамгершілікті дәріптейтін Пасха мейрамының мән-маңызы игі істерге жетелеп, біздің өміріміздің гуманистік негіздерін нығайта түседі.

Баршаңыздың шаңырақтарыңызда татулық пен тыныштық болсын!

Сіздерге зор денсаулық, бақыт, бақ-береке тілеймін!», – делінген құттықтау хатында.

Осы категория бойынша: « Православ христиандары Пасха мейрамын тойлап жатыр Елбасы Білім және ғылым министрі Ерлан Сағадиевті қабылдады »
Серіктестер жаңалықтары
Хабар 24 телеарнасы