374,05 425.15 5.62
+7 (7172) 757 485 24kz@khabar.kz
ҚАЗ

Елбасы «Maker» ЖШС-нің Қарағанды құю-машина жасау зауытына барды

  • 188
  • UPD: 18:16, 06.09.2018
Елбасы «Maker» ЖШС-нің Қарағанды құю-машина жасау зауытына барды akorda.kz

Мемлекет басшысы «Maker» жауапкершілігі шектеулі серіктестігінің Қарағанды құю-машина жасау зауытына барды.

Бұл туралы Ақорданың баспасөз қызметі хабарлайды.

Қазақстан Президенті роботтандырылған заманауи құрылғылармен және автоматтандырылған басқару жүйесімен жабдықталған жаңа машина жасау зауытының өндірістік үдерісімен танысты.

Нұрсұлтан Назарбаевқа облыстағы инвестициялық жобалардың іске асырылу жоспары баяндалды, сондай-ақ «Қазақмыс» корпорациясы» жауапкершілігі шектеулі серіктестігінің жұмыстары таныстырылды.

Сонымен қатар Елбасы кәсіпорын ұжымымен және Қарағанды мемлекеттік техникалық университетінің студенттерімен әңгімелесті.

Мемлекет басшысы экономиканы дамытудың заманауи үрдісіне сай дуалды білім берудің және кадрлар даярлаудың маңыздылығын айтты.

Соңында Қазақстан Президенті жас мамандарға жұмыста зор табысқа жетуге тілектестік білдірді.

Осы категория бойынша: « Мемлекет басшысы жұмыс сапарымен Қарағанды облысына барды Елбасы «Қарағанды фармацевтика кешені» ЖШС-ға барды »
Серіктестер жаңалықтары
Хабар 24 телеарнасы