379.36 421.60 5.87
+7 (7172) 757 485 24kz@khabar.kz
ҚАЗ


Қ.Тоқаев: Кіші Аралдан айырылып қалуымыз мүмкін

  • 245
  • UPD: 15:34, 14.05.2019

Мемлекет басшысы өңір жұртшылығымен де жүздесті. Мұнда Қасым-Жомарт Тоқаев аймақта алдағы уақытта атқарылатын бірқатар іргелі жобаға тоқталды.

Президент алдымен өңір тұрғындарының табысын еселеуді тапсырды. Республикалық деңгеймен салыстырғанда қызылордалықтардың жалақысы әлі де төмен. Қасым-Жомарт Тоқаев бұл олқылықтың орнын жедел толтыру керек деді. Сондай-ақ Мемлекет басшысы Кіші Арал жайын да сөз етті. Аймақ тізгінін ұстағандар бұл мәселеге бей-жай қарамауы керек.

Қасым-Жомарт Тоқаев, Қазақстан Республикасының Президенті:

- Халық Арал тағдырына алаңдайды. Елбасының бастамасы бойынша Сырдария арнасын реттеу және Арал теңізінің солтүстік бөлігін сақтап қалу жобасы іске асырылуда. Осы жобаның аясында салынған Көкарал бөгетінің арқасында Кіші Аралдағы су қалпына келді. Бұл балық шаруашылығын жандандыруға септігін тигізді. Мұнда балық өнімдерін дайындайтын 8 зауыт жұмыс істеп тұр. Балық экспорты 10 есеге өсті. Экологиялық мәселелер мұнымен шектелмейді. Көкарал бөгетінің төменгі жағын Сырдария ағыны бұзып жатыр. Дереу қолға алмасақ, Кіші Аралдан да айырылып қалуымыз мүмкін.

Хабар 24 телеарнасы