386,34 428,03 5.89
+7 (7172) 757 485 24kz@khabar.kz
ҚАЗ


Бақытжан Сағынтаев: Алматыдағы селдің беті қайтты

  • 200
  • UPD: 12:31, 14.08.2019
Бақытжан Сағынтаев: Алматыдағы селдің беті қайтты

Алматы әкімі Бақытжан Сағынтаев Қарғалы өзенінің басындағы көлде атқарылған жұмыстар жайында айтып берді, деп хабарлайды ҚазАқпарат.

«Жоғары жақтан келе жатырмын. Таң атқалы сол жақта жүрміз. Тиісті шаралар қабылданды.Қорқатын ештеңе жоқ. Құдай сақтасын. Жаздай жұмыстар атқарылды. Көлдің басында экскаваторлар жұмыс істеді. Олар жаздай жерді қазып суды жіберіп отырған. 77 мың текше метр суды 26 мың текше метрге дейін түсірген.Соның арқасында қазір су аз келді. Енді қазір жоғары жақтан хабар беріп жатыр, көлден аққан су тоқтады. Өзінің қарқынымен ағып келеді. Мына бөгетке дейін 22 шақырым, су өзен арнасымен ағады деп ойлаймыз. Ешқандай қауіп жоқ. Сумен ешқандай тас ағып келе жатқан жоқ. Тек ағынды лай су келіп жатыр. Судың көлемі қалыпты жағдайда. Қазір мамандар тікұшақпен жоғары жақтан тағы да көріп шығады. Тұрғындар үшін ауыз су мәселесі де шешіледі. Қаладан тасымалдайтын болады. Алматы су мекемесінің басшысы да осында. Қазір 30 су таситын көлік белгіленді. Су құбырлары жөнделеді. Наурызбай ауданының халқымен кездесуге бара жатырмын. Сол кісілерге өзім барып мән-жайды түсіндіремін. Қажет болса осында қайтып келемін. Қарқынды су екі сағатта бәсеңдейді», – деді Бақытжан Сағынтаев.

Хабар 24 телеарнасы