423.87 509.00 5.59
+7 (7172) 757 485 24kz@khabar.kz
ҚАЗ

Баландин FINA турнирінде үшінші медальді жеңді

  • 757
  • UPD: 14:18, 19.01.2020
Баландин FINA турнирінде үшінші медальді жеңді olympic.kz

Қытайдың Шеньчжэн қаласында Халықаралық су спорты түрлері федерациясының (FINA) ұйымдастыруымен Champions Swim Series турнирінің екінші маусымдағы бірінші кезеңде Рио-2016 Олимпиадасының жеңімпазы қазақстандық Дмитрий Баландин үшінші медальді қанжығасына байлады.

Бұл туралы ҰОК баспасөз қызметі хабарлайды.

Қазақстандық Дмитрий Баландин 100 метрге брасс әдісімен жүзуден қола жүлдегер атанды. Ол тура 1:00.00-де келді. Алтын медальды қытайлық Зибей Ян (58.83), күміс медальді нидарландтық Арно Камминга (58.95) жеңді.

Осыған дейін, Дмитрий Баландин 200 метрге брасс әдісімен жүзуден қола жүлдегер атанды. Ол аталған қашықтықты 2:13.58 уақыт көрсеткішінде жүзіп өткен.

Турнирде нидарландтық Арно Камминга жеңіске жетті (2:09.00). Күміс жүлдені германиялық Марко Кох иеленген. Әлемдік турнирдің екінші кезеңі 18-19 қаңтар күндері Бейжіңде өтеді.

Бүгін, 19 қаңтарда, Баландин 200 метр брасспен өнер көрсетеді. Онымен бірге әлем чемпионатының қола жүлдегері жапондық Иппей Ватанабе, Еуропа чемпионы Арно Камминга (Нидерланд) және Рио-2016 күміс жүлдегері американдық Джон Прено өнер көрсетеді.

Еске салайық, Champions Swim Series бірінші маусымында Баландин Токиода өтетін Олимпиада-2020 бағдарламасына қатысуға лицензия жеңіп алған болатын.

Хабар 24 телеарнасы