Қазақстанның бас санитарлық дәрігері Ерлан Қиясов пен денсаулық сақтау вице-министрі Ажар Ғиният коронавирусқа қарсы вакцинаны екінші рет алды, деп хабарлайды «Хабар 24».
Осыған байланысты қазір брифинг өтуде. Бақыт Топтаева сол жерден тікелей эфирге қосылуға дайын.
Вице-министрлер вакцинаның бірінші, екінші дозасын да Нұр-Сұлтандағы №6 қалалық емханада салдырды. Е.Қиясов пен А.Ғиният өздерін жақсы сезінетіндерін жеткізді. Вакцинация алгоритмі бойынша олар 30 минут медициналық бақылауда болды.
ҚР Бас санитарлық дәрігері Ерлан Қиясов екі дозалы вакцинаның толық курсын алғаннан кейін, ол өзін коронавирус инфекциясынан толық қорғалғанын атап өтті. Ол профилактикалық егудің мақсаты ұжымдық иммунитет қалыптастыру екенін еске салды.