«Astana LRT» ісі бойынша сот тергеуі қайта жанданды

«Astana LRT» ісіне қатысты сот тергеуі қайта жанданды.

Бұған айыпталушылар мен олардың туыстарына тиесілі жеке мүлкіне қатысты келеңсіздіктер себеп болған.

Атап айтқанда, айыпталушылардың жұбайлары мен ата-аналарының атына тіркелген жер учаскелері мен қымбат автокөліктер. Сот бұл мүліктердің қай қаржыға сатып алынғанын анықтамақ.

Естеріңізге сала кетейік, «Астана LRT» ісіне қатысты 7 адам қазір тергеуден өтіп жатыр. Оларға серіктестіктің бұрынғы директоры Талғат Ардан мен елорданың бұрынғы әкімінің орынбасары Қанат Сұлтанбековке 6 миллиард теңгені жымқыруға болысқан деген айып тағылған.