427,15 523.00 5.95
+7 (7172) 757 485 24kz@khabar.kz
ҚАЗ

Апта соңында ыстық басылады

  • 180
  • UPD: 12:40, 26.05.2021
Апта соңында ыстық басылады

Соңғы күндердегі аптап ыстық елімізде ерекше болғаны рас. Дегенмен, апта соңына қарай Қара теңіз аймағынан антициклон ықпал етуі мүмкін.

27 мамырда Қазақстанның батыс, солтүстік, ал 28 мамырдан бастап Орталық және шығыс өңірлерінде күн райы айтарлықтай салқындайды. Республикамыздың солтүстік аймақтарында ауа температурасы төмендейді: батыс аймақтарда сынап бағанасы түнде 10...22°С , күндіз 27...35 , ал еліміздің солтүстігінде, орталығында және шығысында - түнде 5...15°С , күндіз 17...28°градус ыстықты көрсетеді.

Күн күркіреп, жаңбыр жауады, 28 мамырға қараған түні Шығыс Қазақстан облысының кей жерлерінде нөсер болады. Сондай-ақ қатты жел күтіледі, бұршақ жаууы да мүмкін. Алайда ауа температурасының төмендеуі республиканың оңтүстік өңірлеріне әсер етпейді. Олар әлі де жылы ауа массаларының ықпалында болады. Оңтүстік-шығыста өткінші жаңбыр жауып, күн күркірейді.

Хабар 24 телеарнасы