426,04 518.00 5.83
+7 (7172) 757 485 24kz@khabar.kz
ҚАЗ

Сегіз алтын: Бокстан Қазақстан әйелдер командасы Азия чемпионатында рекорд жасады

  • 257
  • UPD: 23:44, 30.05.2021
Сегіз алтын: Бокстан Қазақстан әйелдер командасы Азия чемпионатында рекорд жасады Боксшы Дина Жоламан / Olympic.kz

Дубайда бокстан Азия чемпионатының алғашқы финалдық бәсекелері мәреге жетті. Әйелдер арасындағы сында Қазақстан командасы сегіз алтын иеленіп, жалпы есепте көш бастады деп жазады Olympic.kz. 

Ерік Алғабек жаттықтыратын қазақстандық боксшы қыздар Азия біріншілігін 8 алтын, 1 күміс және 1 қола медальмен аяқтап отыр. 

Біздің команда сапынан Алуа Балқыбекова (48 келі), Назым Қызайбай (51 келі), Дина Жоламан (54 келі), Римма Волосенко (60 келі), Милана Сафронова (64 келі),  Валентина Хальзова (69 келі), Фариза Шолтай (81 келі) және Ләззат Күнгейбаева (+81 келі) чемпион атанды. 

Владислава Кухта (57 келі) ақтық сында сүрініп, күміс жүлдегер атанса, Марина Вольнова (75 келі) құрлық додасының қола медалін тағынды.

Бұл бокстан Қазақстан әйелдер командасының рекордты көрсеткіштерінің бірі. Бұған дейін қазақстандықтар Азия біріншілігінен сегіз алтын алмаған болатын.  Ертең ерлер арасындағы финалдық жекпе-жектер өтеді. Ақтық айқаста Қазақстан командасының бес өкілі бақ сынайды.

Хабар 24 телеарнасы