423,91 504.32 5.82
+7 (7172) 757 485 24kz@khabar.kz

Елена Рыбакина Токио олимпиадасында төрттікке енді

  • 313
  • UPD: 17:51, 31.07.2021
Елена Рыбакина Токио олимпиадасында төрттікке енді

Қазақстандық теннисші Елена Рыбакина Токио Олимпиадасына қола жүлдесі үшін өткен матчта жеңіліп қалды деп хабарлайды Хабар 24 Olympic.kz-ке сілтеме жасап. 

Елена кіші финалда әлемнің 6-шы ракеткасы, украиналық Элина Свитолинаға қарсы ойнаған болатын. 

Тартысты матчтың бірінші кезеңін 6:1 есебімен Рыбакина өз еншісіне жазды.

Екінші сетте ойын тай-брейкке дейін жалғасып, қазақстандық спортшы 6:7 есебімен тізе бүкті.

Үшінші сетте Елена Рыбакина 4:1 есебімен алда тұрып, нәтижесінде 4:6 есебімен қарсыласқа жол берді. 

Осылайша, Елена Рыбакина қола жүлдеге қол жеткізе алмады. Десе де, Қазақстан теннисінің тарихында алғаш рет Олимпиадада төртінші орын иеленіп отыр. 

 

 

Хабар 24 телеарнасы