425,73 504.32 5.82
+7 (7172) 757 485 24kz@khabar.kz

Президент Асқар Мамин мен Алмасадам Сатқалиевті қабылдады

  • 269
  • UPD: 22:01, 02.08.2021

Мемлекет басшысы Қасым-Жомарт Тоқаев премьер-министр Асқар Мамин мен «Самұрық-Қазына» акционерлік қоғамының басқарма төрағасы Алмасадам Сатқалиевті қабылдады, деп хабарлайды Ақорданың баспасөз қызметі.

Президентке Қазақстан халқының тұрмыс сапасын арттыруға, экологиялық жағдайды жақсартуға, жаңа жұмыс орындарын ашуға бағытталған маңызды инвестициялық жобалардың іске асырылуы туралы ақпарат берілді.

Ұсынылған жобалар Батыс Қазақстан облысын сумен, өңірлерді газбен қамтамасыз ету, энергетика нысандарының, оның ішінде Алматы қаласындағы қуат торабының құрылысы, сондай-ақ, еліміздегі көлік дәлізінің әлеуетін дамыту салаларындағы негізгі мәселелерді шешуді көздейді.

Кездесу қорытындысы бойынша аталған инфрақұрылымдық жобаларды іске асыруға қатысты тапсырмалар берілді.

Хабар 24 телеарнасы