425,02 504.32 5.84
+7 (7172) 757 485 24kz@khabar.kz

Мемлекет басшысы Ауғанстандағы ахуалға байланысты жиын өткізді

  • 201
  • UPD: 11:20, 16.08.2021
Мемлекет басшысы Ауғанстандағы ахуалға байланысты жиын өткізді фото: facebook.com

Қазақстан Президенті Қасым-Жомарт Тоқаев Ауғанстанда қалыптасқан жағдайға байланысты кешелі бері екінші рет жиын өткізді.

Бұл туралы Бұл туралы өзінің Facebook-тегі парақшасында ҚР Президентінің баспасөз хатшысы Берік Уәли жазды.

Жиынға Премьер-министр Асқар Мамин, күштік құрылымдардың, атап айтқанда, Ұлттық қауіпсіздік комитеті, Сыртқы істер, Қорғаныс, Ішкі істер, Төтенше жағдайлар министрліктері, Бас прокуратура, Мемлекеттік күзет қызметі басшылары мен Қауіпсіздік кеңесінің Хатшысы қатысты.

Ауғанстан Ислам Республикасындағы жағдайға байланысты Қазақстанның ұлттық мүддесін ескере отырып, шұғыл әрекет ету шаралары және біздің елдің азаматтарының қауіпсіздігін қамтамасыз ету мәселелері талқыланды.

Президент құзырлы мекемелерге Ауғанстандағы жағдайды жан-жақты бақылауда ұстауды тапсырды. Бұл осы елмен бұдан былайғы ынтымақтастық бойынша шешім қабылдау үшін аса маңызды.

Хабар 24 телеарнасы