425,73 504.32 5.82
+7 (7172) 757 485 24kz@khabar.kz

Қазақстан Ауғанстандағы барлық тарапты биліктің бейбіт транзитін қамтамасыз етуге шақырды

  • 243
  • UPD: 12:39, 19.08.2021
Қазақстан Ауғанстандағы барлық тарапты биліктің бейбіт транзитін қамтамасыз етуге шақырды

Қазақстан Ауғанстандағы жағдайдың даму барысын мұқият қадағалап отыр.

Бұл туралы ҚР СІМ мәлімдемесінде айтылды.

«Аталған елдің тарихында тағы бір шешуші сәт келе жатыр. Көпжылдық жанжалды ауған халқы өзі шешуі керек.

Қазақстан барлық тараптарды ішкі тұрақтандырудың басты алғышарты ретінде биліктің бейбіт транзитін қамтамасыз етуге шақырады. Біз БҰҰ Қауіпсіздік Кеңесінің инклюзивті және өкілдік үкімет құру, ұлттық азшылықтар мен әйелдердің құқықтарын құрметтеу, басқа мемлекеттерге қауіп төндіретін топтардың болуына жол бермеу, халықаралық құқықты сақтау туралы мәлімдемесін қолдаймыз.

Осы ережелерді орындау Ауғанстанның жаңа билігімен диалогты бастау үшін қажетті шарт болуы тиіс», - делінген мәлімдемеде.

Хабар 24 телеарнасы