426,32 496.50 6.01
+7 (7172) 757 485 24kz@khabar.kz

Қазан айында ауа райы қандай болады?

  • 461
  • UPD: 14:22, 01.10.2021
Қазан айында ауа райы қандай болады? ПАИ

Қазан – күзден қыс мезгіліне көшу уақыты. Қазіргі кезде ауа райы өзінің тосынсыйларына толы, әсіресе солтүстік аймақтарда көптеген жылдар бойы жинақталған мәліметтерге сәйкес боран болуы, тіпті қар жамылғысының пайда болуы мүмкін.

Бір айдағы орташа ауа температурасы елдің көп бөлігінде көпжылдық нормаға жуық болады деп күтілуде: Маңғыстау, Атырау, Қызылорда облыстарында, Батыс Қазақстан, Ақтөбе облыстарының басым бөлігінде, Түркістан облысының батыс жартысында, Қарағанды облысының оңтүстік-батысында, Қостанай облысының оңтүстігінде нормадан 1° жоғары.

Республиканың басым бөлігінде жауын-шашын мөлшері нормаға жуық болады деп болжануда. Маңғыстау, Қызылорда облыстарында, Атырау, Ақтөбе, Түркістан, Жамбыл, Алматы облыстарының басым бөлігінде, Қостанай облысының оңтүстік жартысында, Қарағанды облысының батысы мен оңтүстігінде, Шығыс Қазақстан облысының оңтүстік-батысында нормадан аз жауын-шашын күтіледі.

Болжамға сәйкес, Ресейдің еуропалық аумағы арқылы өтетін Скандинавия мен Баренц теңізінің аудандарынан суық антициклон, қазан айының басында республиканың батыс жартысында ауа райын қалыптастырады. Қазақстанның солтүстігінде, шығысында, оңтүстік-шығысында және орталығында, керісінше, батыс және оңтүстік циклондардың жырасынан және белсенді фронтальді бөліктердің өтуінен жауын-шашын болжанады (жаңбыр, қар, тұман және көктайғақ құбылыстары) – Қазақстанның таулы аудандарында қатты жауын-шашын болуы мүмкін.

Айдың бірінші онкүндігінде солтүстік-батыс антициклонның батыс өңірлерге басып кіруі, ауа температурасының түнде 1-3 градус аязға дейін, күндіз +10+15°С дейін төмендеуіне алып келеді. Қазақстанның солтүстік-батысында, солтүстігінде, шығысында және орталығында ауа температурасы түнде -5+5°С-тан -1-8°С-қа дейін, күндіз +3+10°С-тан 0,+5°С-қа дейін төмендейді. Ал бірінші онкүндіктің екінші жартысынан бастап, республиканың басым бөлігінде 10-12 градусқа дейін жылынады.

Қазанның екінші және үшінші онкүндіктерінде, Жерорта теңізі мен Орта Азия аудандарынан оңтүстік-батыстан жылы ауа массаларының шығарылуымен, жекелеген күндері жылудың қысқа мерзімді толқыны күтіледі. Республиканың оңтүстік-батысында, оңтүстігінде, оңтүстік-шығысында +19+25°С дейін жылынады. Қазақстанның солтүстік жартысында ауа температурасының түнде -4-10°С дейін, күндіз -2+3°С дейін, оңтүстік жартысында – түнде -5+5°С дейін, күндіз +7+12°С дейін төмендеуі болжанады.

Ескертпе: бір айға арналған консультациялық болжам, синоптикалық жағдайдың өзгеруіне қарай түзетілуі мүмкін және онкүндік болжамдармен нақтыланатын болады.

Хабар 24 телеарнасы