425,02 450,91 6,80
+7 (7172) 757 485 24kz@khabar.kz

Оқушылар III тоқсанда қалай оқиды. Министрліктің арнайы мәлімдемесі

  • 700
  • UPD: 16:06, 17.01.2022

ҚР Білім және ғылым министрлігі үшінші тоқсандағы мектеп оқушыларының оқу форматы қалай болатынын түсіндірді, деп хабарлайды «Хабар 24».

Мектепке дейінгі және орта білім комитеті төрайымы Гүлмира Кәрімованың айтуынша, III тоқсан 18 наурызға дейін жалғасады. Оқу әртүрлі форматта болады. Республикалық маңызы бар үш қаланың оқушылары әзірше онлайн режимде білім алады.

«Біздің министрліктің ұстанымы мектеп оқушыларының дәстүрлі форматта оқығанын құптайды және сол үшін де бар жағдайды жасайды. Дегенмен эпиджағдайдың күрделене түсуіне байланысты еліміздің 3 қаласында Нұр-Сұлтан, Алматы және Шымкентте оқушылар қашықтан, яғни онлайн форматта оқитын болады. Қазіргі уақытта мектептерді техникалық тұрғыдан қамту жұмысы аяқталып жатыр. 1-2 сынып оқушылары олардың жас ерекшелігін ескере отырып сабақты мектепке келіп оқиды. 3-5 сынып оқушылары кезекші топ форматында білім алады. Ал қалған сыныптар қашықтан оқуға көшуі тиіс. Сондай-ақ мектепте 600 оқушыдан аз болса, ол мектепке дәстүрлі форматта білім беруге рұқсат», – деді Гүлмира Каримова ОКҚ-де онлайн өткен баспасөз мәслихатында.

Хабар 24 телеарнасы