Елде баспанасы жоқ әрбір адам үй алу кезегіне тұра алады
Басты шарт – соңғы 5 жылда атында жылжымайтын мүлкі тіркелмеуі тиіс.
Мемлекет басшысы тұрғын үй саясатын реформалау жөніндегі заңға қол қойды. Онда баспана кезегіне тұруға қатысты осындай өзгеріс бар. Айта кетейік, қолданыстағы заңға сай, елде баспана кезегіне белгіл санаттағы азаматтар ғана тұра алады. Мәселен, бұл көп балалы отбасылар, жетім балалар, 1 және 2-топтағы мүгедектер, мемлекеттік қызметшілер, бюджеттік сала жұмыскерлері, тағы басқа топтар.