ШҚО-да оқушылар қашықтан оқуға көшірілді

Шығыс Қазақстан облысының Алтай қаласында қалың қардың салдарынан мектеп оқушылары қашықтан оқуға көшірілді.

Таулы өңірде осымен екінші күн қатарынан толассыз қар жауып тұр. Қаңтар басталғалы 1 аптаның ішінде ақұлпаның айлық мөлшері түскен. Тазалау жұмыстары тәулік бойы жалғасуда. Әкімдік қала көшелеріндегі омбы қар алдағы тәулікте толықтай қала сыртына шығарылатынын айтады.