Ұлттық ядролық орталыққа Қытайдан делегация келді

Қазақстан мен Қытай басқарылатын термоядролық синтез технологияларын бірге зерттейді. Жақында еліміздің Ұлттық ядролық орталығына Қытайдың SWIP Оңтүстік-батыс физика институтының делегациясы келіп, өзара серіктестікті нығайту жайын талқылады.

Институт Қытай Ұлттық ядролық корпорациясының құрылымына кіреді. Сапар барысында қонақтар біздің орталықтың ғылыми-зерттеу базасымен танысты. Сондай-ақ делегацияға термоядролық синтез саласындағы зерттеулер туралы баяндалды. Тараптар салада бірлескен жобалар жасауды талқылады.

Айта кетейік, SWIP Қытайдың термоядролық энергетика саласындағы негізгі ғылыми орталықтарының бірі болып саналады.