366.43 425.85 5.6
+7 (7172) 757 485 24kz@khabar.kz
ҚАЗ

Алматы облысында үш ауысымды мектептер азайып келеді

  • 519
  • UPD: 09:41, 14.02.2018

Алматы облысының Қарасай ауданында үш ауысымда бала оқытатын мектептердің саны азайып келеді.

Екі жыл бұрын бұл өңірдегі мұндай білім ошақтарының саны 13 болатын. Өткен жылы ауданда 7 жаңа мектеп салынып, пайдалануға берілді. Соның арқасында 6 жарым мың оқушының сапалы білім алуына жол ашылды. Қарасай ауданында 50 мыңнан астам оқушы бар. Олар 53 мектепте білім алып жатыр. Биылғы оқу жылында 5 мың бала мектеп табалдырығын аттады. «Үш ауысымды түбегейлі жою үшін арнайы жоспар жасадық», – дейді аудан басшылары.

Махаббат Бигелдиев, Қарасай ауданының әкімі:

- Биыл Қаскелең қаласында Керімбеков мектебіне, Абай ауылында Абай орта мектебіне жапсаржай құрылысы салынады. Үштерек, Алмалыбақ, Шамалған бекетінде Толстой мектебіне қосымша 600 орындық жапсаржай салу үшін облыстық бюджеттен жобалық-сметалық құжаттарына қаражат бөлінді. Күнбе-күн өз кезегімен осы үш ауысымды мектептерді жою мәселесі шешіліп жатыр.

Хабар 24 телеарнасы