374,05 425.15 5.62
+7 (7172) 757 485 24kz@khabar.kz
ҚАЗ

Шымкентте ғылыми нәтижелерді қаржыландыру жөнінен семинар өтті

  • 234
  • UPD: 23:37, 27.06.2018

Ғылыми нәтижелерді коммерциялау жобаларын гранттық қаржыландыру байқауының аясында қазақстандық ғалымдар 300 млн теңге қайтарымсыз қаражатқа ие болады.

Бұл туралы Шымкентте осы шараны ұйымдастырушылардың қатысуымен өткен семинарда айтылды. Онда аталмыш қаржыны қалай алуға болатыны егжей-тегжейлі түсіндірілді. Мамандардың айтуынша, егер сіз ҚР азаматы болып, ғылыми жобаңызды еліміздің аумағында жүзеге асырсаңыз, онда байқауға еш қиындықсыз қатыса аласыз. Сайыс өткізіліп келе жатқан екі жыл ішінде 839 өтініш қабылданып, оның 96-ы мақұлданған. Конкурс жеңімпаздары жалпы сомасы 20,7 млрд теңгені құрайтын грант ұтып алған. Ұйымдастырушылар өзге өңірлерге қарағанда алматылық ғалымдардың белсенді екенін айтады. Ал ғылыми жобаларды іске асыруда ең танымал сала агроөнеркәсіп кешені болып отыр.

Құрманғазы Омаров, жобалық дирекция басшысы:

- Грантты қаржыландырудың негізгі мақсаты – отандық өнертапқыштарға, отандық ғалымдарға бюджет қаражаты есебінен олардың ойлап  тапқан ғылыми әзірлемелерін өндіріске енгізуге көмек жасау.

Осы категория бойынша: « Еліміздегі студенттік жатақханаларды заңсыз паналағандар анықталды «Болашақ» стипендиясы қанша адамға берілді? »
Серіктестер жаңалықтары
Хабар 24 телеарнасы