365,48 417.85 5.52
+7 (7172) 757 485 24kz@khabar.kz
ҚАЗ

ШҚО-да 3 млрд-қа жуық қаражатқа білім берудегі озық технологиялар сатып алынды

  • 696
  • UPD: 23:30, 15.10.2018
ШҚО-да 3 млрд-қа жуық қаражатқа білім берудегі озық технологиялар сатып алынды

Шығыс Қазақстанда Президенттің «Рухани жаңғыру» бағдарламасына сәйкес іске асырылған «Менің мектебім» акциясы өзгеге үлгі боларлық бастамаға айналды, деп хабарлайды «Хабар 24».

Демеушілердің көмегімен 3 миллиард теңгеге жуық қаражатқа білім берудегі озық технология түрлері сатып алынды. Нәтижесінде биылғы оқу жылында өңірде толық жабдықталған  277 IT сынып қолданысқа берілді. Осылайша, оқушылар қазіргі заманға сай білім алып жатыр. Олар қазірден-ақ ақпараттық технология саласындағы олимпиадалар мен конкурстарға қызу дайындық үстінде.

Бесінші сыныптың оқушысы Бекарыс – IT сыныпқа асығып келетіндердің бірі. Өйткені осы заманда көп айтылатын роботты техника түрлерін танып білу, құрастыру, ол үшін ең қызықты сәт. Тіпті болашақта ақпараттық технология саласындағы танымал кәсіпкер болсам деген де арманы бар.

Информатика пәнінің мұғалімдері үнемі ізденіс үстінде. Өйткені ақпараттық технология сағат сайын дамып жатыр. Ал сыныпқа асыға кіретін балалардың білгісі келетіндері тіпті көп.

Мағжан Сырымбек, информатика пәнінің мұғалімі:

– Роботтандыру жүйесі балаларды өте қатты қызықтырады. Өйткені болашақтағы IT мамандардың ең бірінші баспалдағы роботты техникадан басталады.Онда балалар программалауды кодтарынан емес, бірінші блок түріндегі дайын құрылымдармен жұмыс істейді.

Жалпы №46 орта мектебі Назарбаев зияткерлік мектебімен тең түспесе, кем түспейді. Білім ошағы 3 тілде дәріс беруді меңгерген. Ал роботты технологияның қыр сырын үйрету үшін 4 мұғалім жаз бойы арнайы дәріс алған.

Физика, математика, информатика пәнінен дарындылар оқитын қаладағы мектеп лицейі де демеушілердің көмегімен жаңа сыныпқа ие болып, бүгінде игілігін көріп жатыр. Кәсіпкерлер ел болашағына салынған қаражат міндеті түрде ақталатынына сенімді.

Юрий Овчинников, тау-кен өндіруші кәсіпорынның директоры:

– Болашағымызға инвестиция құйып жатырмыз. Еліміздің болашағы үшін. Өскелең ұрпақ заманға лайық білім алып, келешекте білікті маман болуы керек. Бұл біздің мекемеміз үшін де маңызды.

Өңірде жастардың тек өз елімізде білім алып, қызмет етуін мақсат тұтқан «Білікті маман» жобасы да сәтті іске асуда. Мәселен, биыл мектеп бітірушілерге республикалық гранттан бөлек, тегін білім алу мүмкіндіктері берілді. 450 түлекке облыстық бюджеттен қосымша грант бөлінді, бұл – былтырғыдан екі есе артық көрсеткіш.

Авторлары: Э.Ахметова. Д.Пыхтин.

Осы категория бойынша: « Қазақстанда зияткерлік мектептер тәжірибесін тарату бойынша 30 білім ордасы бар Елордада білім сапасын арттыру мәселесі талқыланып жатыр »
Серіктестер жаңалықтары
Хабар 24 телеарнасы