378,17 430.15 5.89
+7 (7172) 757 485 24kz@khabar.kz
ҚАЗ

Қытай ғалымдары қатерлі ісіктің асқынуын төмендететін өнімдерді атады

  • 305
  • UPD: 10:44, 25.02.2019
Қытай ғалымдары қатерлі ісіктің асқынуын төмендететін өнімдерді атады © China Daily Asia

Қытай ғалымдары сарымсақ, пияз және порей пиязын қолдану колоректалды обырдың даму қаупін төмендететінін мәлімдеді.

Тиісті зерттеу жұмысы Азия-Тынық мұхиты клиникалық онкология журналында жарияланды, - деп хабарлайды Tengrinews.kz РИА Новости сайтына сілтеме жасап.

Сарапшылар колоректалды обырмен ауыратын 833 науқастың және жасы, жынысы, тұрғылықты жері бойынша 833 дені сау адамның деректерін салыстырды. Зерттеу қатысушыларынан тамақтану рационы мен оның жиілігі уақтылы сұралып отырды.

Колоректалды обырдың даму ықтималдығы пиязды көп тұтынған ересектерде 79% төмен болғаны анықталды.

Ғалымдар сарымсақ, пияз және порей-пиязында тоқ ішектегі қатерлі ісіктің даму қаупін төмендетуге көмектесетін қосындылар бар деген қорытындыға келді.

Зерттеушілердің бірі Чжи Ли жұмыс әрі қарай зерделеуге лайық екенін айтты. Колоректалды обыр дегеніміз - тоқ ішектің қатерлі ісігі және оның қосалқысы. Дүниежүзілік денсаулық сақтау ұйымының мәліметі бойынша ол қатерлі ісіктің ең көп таралған түрлерінің бірі.

Хабар 24 телеарнасы