383,01 431.47 6.11
+7 (7172) 757 485 24kz@khabar.kz
ҚАЗ


НАСА-дан ғарышқа екі рет ұшқан әйел астронавт елімізге келді

  • 471
  • UPD: 16:39, 05.07.2019
НАСА-дан ғарышқа екі рет ұшқан әйел астронавт елімізге келді

Елордаға екі мәрте ғарышта болған батыр әйел Мэри Эллен Уебер келді.

Журналистермен өткен кездесу барысында ғарышкер әйел қызықты әрі қауіпті қызметімен бөлісті. Ол алғаш рет 1995 жылы байланыс серігін орнату үшін Дисковери кемесімен ұшқан екен, бес жылдан кейін халықаралық ғарыш айлағының ашылуына қатысты.

«Бөгде планетаға аттану үлкен жауапкершілік жүктейді. Біріншіден бұл қауіпті, соған қарамастан еш қателік жібермеуге міндетті едім. Себебі экипаждың амандығы маған байланысты болды» дейді ол. Мэри Элленнің астронавт болуына анасы себепкер. Он жыл бойы НАСА-ның ғарышкері болған бірегей жанның ендігі арманы Байқоңыр ғарыш айлағын көзімен көру.

Мэри Эллен Уебер, ғарышкер, ғалым /АҚШ/:

- Мен алғашқы сапарымды ұмытпаймын. Ғарышқа жету үшін бар-жоғы 8,5 минут керек. Қозғалтқыш өшкенде кабина іші бос кеңістікке айналады. Ішіндегі адам еркін ұшып жүреді ғой. Сол сәтте мен қауіпсіздік белдігін шешіп, терезеге беттедім. Себебі сырттағы көріністі суретке түсіруім керек болды. Ғарыштан жерді көру - ерекше сезім. Оны сөзбен суреттей алмаспын.

Хабар 24 телеарнасы