386,34 428,03 5.89
+7 (7172) 757 485 24kz@khabar.kz
ҚАЗ


Мемлекет бөлген 3 мың білім гранты үлестірілмей қалған

  • 409
  • UPD: 20:58, 01.08.2019

Инженерлік, педагогикалық әрі жаратылыстану мамандықтарына 3 мыңнан астам білім гранты қайтадан бөлінеді.

Бұл туралы елордада өткен брифингте ҚР Білім және ғылым вице-министрі Фатима Жақыпова мәлім етті, деп хабарлайды ҚазАқпарат.

«Өкінішке орай, грантқа ілінбеген талапкерлер бар. Өздеріңіз білесіздер, конкурсқа 64 мыңнан астам адам қатысты. Бірақ біз қазіргі кезде Үкімет қаулысына өзгерістер енгіземіз, содан кейін белгіленген тәртіп бойынша тиісті бағыттарға грант беруді жалғастырамыз. Осы орайда 3 мың грант басымдықты бағыттар бойынша қайтадан тағайындалады», - деді вице-министр.

Бұл тұрғыда инженерлік, педагогикалық, жаратылыстану бағыттары қамтылады. Министрлік мәліметінше, аталған 3 мың грант негізгі конкурстан (53 785 гранттың ішінде) игерілмей қалды. Кейбір мамандықтарға үміткерлер аз болғандықтан осы гранттар бөлінбей қалды. Сондықтан осы үш мың грант талапкерлер арасында қайтадан бөлінеді. Осы аптада қаулы жобасы әзірленіп, оған тиісті өзгерістер енгізіліп, содан кейін жинаған ұпайларына қарай талапкерлер өздерінің гранттарын алады.

Айта кетейік, биыл кокурсқа 53 785 грант бөлінді, қатысушылардың саны 64 452 адам болды. Осы орайда бір грантқа орташа конкурс 1,29 адамды құрады.

Хабар 24 телеарнасы