399,51 448,90 5.81
+7 (7172) 757 485 24kz@khabar.kz
ҚАЗ


ЕҰУ студенттері Қ.Тоқаевтың мақаласын талқылады

  • 734
  • UPD: 21:39, 10.01.2020

Еуразия Ұлттық Университеті «Абай жолы» романынан үзінді оқудан жаңа челлендж бастады. Оқу орнының студенттері президент Қасым-Жомарт Тоқаевтың «Абай және XXI ғасырдағы Қазақстан» атты мақаласын талқылады. 

Жиынға университеттің білікті академик ғалымдары да қатысты. Олар «Ұлттық болмыстың үлгісі», «Жаңа қоғамның жанашыры» сынды тақырыптар төңірегінде ой толғап, пікір алмасты. Шара барысында студенттер Абай, Шәкәрім, Әлихан Бөкейханов бейнесін сомдап, ұлы тұлғаладың шағармаларын оқыды. Кездесу аясында ректор Ерлан Сыдықов «Абай жолы» романынан үзінді оқып, жаңа челлендж бастап, эстафетаны әл-Фараби атындағы Қазақ Ұлттық университетінің ректоры Ғалымқайыр Мұтановқа, әнші Димаш Құдайбергенге және боксшы Серік Сапиевке тапсырды. 

Тілеген Садықов, Л.Гумилев атындағы ЕҰУ тарих факультетінің деканы:

- Адам өзін тану ұшін Абайды тану керек дейді. Мен тағы қосымша айтар едім «қазақ өзін тану үшін Абайды тану керек. Өйткені Абай қазақтың пәлсапасы, қазақтың дүние танымы, қазақтың ділі, тіні, мәдениеті, әдебиетін сипаттаған ұлы ойшыл. Сондықтан да осы мерейтойды пайдаланып Абайды әлемге танытуымыз керек.

Хабар 24 телеарнасы