426,32 497,47 5.54
+7 (7172) 757 485 24kz@khabar.kz
ҚАЗ


Қыркүйекте елордалық 25 мыңнан астам оқушы бірінші сыныпқа барады

  • 254
  • UPD: 10:06, 14.08.2020
Қыркүйекте елордалық 25 мыңнан астам оқушы бірінші сыныпқа барады

Елордада бірінші сыныпқа баратын балалардың құжаттарын қабылдау 20 тамызға дейін жүргізіледі, деп хабарлады әкімдіктің ресми сайты.

Жаңа оқу жылында елордада бірінші сыныпқа 25 мыңнан астам оқушы қабылданады. Құжаттарды қабылдау egov.kz электронды үкімет порталы арқылы және қағаз форматта жүргізіледі.

Бүгінгі таңда бірінші сыныпқа 21 406 өтініш беріліп, 16 123 өтініш қабылданды, деп хабарлады білім басқармасы.

Естеріңізге сала кетейік, 1 қыркүйектен бастап елордалық мектептер (1-11 сыныптарда) мен колледждерде оқу жылы қашықтан басталады.

Бұл ретте бастауыш сынып оқушылары үшін (1-ден 4-ке дейін) кезекші сыныптардың жұмыс істеуі жоспарланып отыр. Яғни, ата-аналардың өтініші бойынша, қатаң санитария нормаларын сақтай отырып кезекші сыныптар ашылады. Оқыту бірнеше ауысыммен ұйымдастырылады.

«Сыныптар кіші топтарға бөлініп жинақталады. Осы кіші топтардағы балалар саны 10-15 адамнан аспайды деп жоспарлануда. Сабақтар бір кабинетте өтеді, үзіліс түрлі уақытта болады. Сонымен қатар пәндердің бір бөлігі қашықтан жүргізіледі», – деп атап өтті білім басқармасы өкілдері.

Бұл ретте санитария нормалары қатаң сақталады.

Бұған дейін хабарланғандай, Нұр-Сұлтанда 12 мыңнан астам педагог (мектеп, колледж, балабақша тәрбиешілері) қашықтан оқытуды ұйымдастыру бойынша онлайн-курстардан өткен. Балалар, ата-аналар және балабақша қызметкерлері үшін жұмыс алгоритмдері жасалды.

Хабар 24 телеарнасы