421,98 511.30 5.62
+7 (7172) 757 485 24kz@khabar.kz
ҚАЗ

Үшінші тоқсанда елордалық 70 мыңға жуық оқушы мектепке барады

  • 159
  • UPD: 12:46, 11.01.2021
Үшінші тоқсанда елордалық 70 мыңға жуық оқушы мектепке барады

Бүгін оқу жылының үшінші тоқсаны басталды.

Алайда ҚР Парламенті Мәжілісі мен мәслихаттар сайлауында сайлау учаскелері ретінде тартылған білім беру нысандарындағы дезинфекциялық шаралардың салдарынан жаңа тоқсанның бірінші оқу күнінде сабақтар қашықтан өтеді, деп хабарлады Нұр-Сұлтан қаласы әкімдігінің баспасөз қызметі.

Елімізде 12 қаңтардан бастап оффлайн режимде оқыту жалғасады. Айта кетейік, үшінші тоқсанда 1-5 сынып оқушылары кезекші сынып режимінде оқуды жалғастырады.

Сонымен қатар үшінші тоқсанда бітіруші сыныптар (9, 11, 12-сыныптар) кезекші сыныптар қағидаты бойынша аралас форматта (15 адамнан аспайтын) оқиды.

Оффлайн сабақтар кестесіне инвариантты компонент пәндері кіреді: орыс тілі мен әдебиеті, қазақ тілі мен әдебиеті, шет тілі, алгебра, геометрия, физика, химия, биология, география, Қазақстан тарихы және дүниежүзі тарихы. Бұл оқу пәндерінің 70%-ін құрайды.

Қалған 30% пәндер – информатика, өзін-өзі тану, дене шынықтыру, құқық негіздері, алғашқы әскери және технологиялық дайындық қашықтан өтеді.

Мектептер икемді кестелер әзірлейді, сабақтар арасындағы өзгерістер әртүрлі сыныптар үшін түрлі уақытта өтеді, әлеуметтік арақашықтық үшін ауысымдар мен кіші ауысымдар көбейеді. Бір сабақтың уақыты 5 минуттық үзіліспен 30 минуттан аспайды.

Айта кетейік, 3 тоқсанда 70 мыңға жуық оқушы мектепке барады.

Хабар 24 телеарнасы